Husi Sertame, SEII Eleva Koñesimentu Estudante Sekundária Iha Covalima

Estudante sira partisipa hela sertame ne'ebe realiza husi SEII, Sesta (08/04). Foto Tempo Timor

Tempotimor (Covalima)-Sekretáriu Estadu Igualdade no Inklusaun (SEII) eleva koñesimentu estudante sira-nian liuhusi sertame hafoin komemora loron internasionál feto ho tema “igualidade jéneru no klimátika no igualiadde jéneru ba futuru ne’ebé sustentável”.

Tuir pontu fokál SEII, Francisco T. G. de Araújo katak, komemora loron internasionál feto ba tinan 2022 konvida estudante hodi realiza kompetisaun sertame ba eskola ensinu sekundária sira iha munisípiu Covalima.

Read More

“Loron internasionál feto tinan-tinan sempre komemora no iha tinan kotuk ami komemora hamutuk ho komuniudade ho joven sira tamba ne’e maka ohin loron ami komemora loron internasional feto ne’e hakarak konvida estudante sira hodi realiza kompetisaun sertame ba estudante ensinu sekundáriu sira iha munisípiu Covalima,” Dehan pontu fokál SEII Francisco de Araújo ba jornalista sira, Sesta (08/04).

Iha fatin hanesan Diretór Edukasaun Munisípiu Covalima (EMC), Rui Amaral Suri Seran fó agradese ba SEII tamba komemora loron internasionál feto hodi realiza kompetisaun sertame ba estudante sira atu kapasita estudante sira-nia aan no eleva sira koñesimenu iha kompetisaun sira seluk.

“Husi edukasaun nafatin fó agradese ba Sekretáriu Estadu Igualdade no Inklusaun, tamba komemora loron internasionál feto ida ne’e konvida ona ita-nia oan ka alin estudante sira hodi realiza kompetisaun sertame ba estudante ensinu sekundáriu sira hodi kapasita sira ida-idak nia koñesimentu iha atividade sira hanesan sertame no seluk tan,’’ katak Nia.

Entretantu kompetisaun ne’ebé realiza iha Salaun Centru Comunidade Covalima  (CCC)  no halo kompetisaun sertame ne’e partisipa husi estudante sira iha eskola ESKAM, Cristal, Kafe no ESTV Suai.(*)

Related posts