Difisiénsia Paulos: “Ha’u Dolar De’it”

Difisiénte Paulos Soares. Foto Tempo Timor

Tempotimor (Covalima)-Moris nu’udar grasa ida ne’ebé Nai Maromak haraik ba ema hotu-hotu, maibé ba ema hot-hotu la’ós moris ho kondisaun di’ak de’it.

Hanesan mós Paulos Soares husi aldeia Vitis, suku Lalawa, Postu Administrativu Tilomar, durante iha nia moris, dolar de’it iha rai, tanba kondisaun ain rua la permite atu hamriik hodi hakat hanesan ema seluk.

Read More

Kodisaun ne’ebe Paulos infrenta, presiza tebes domin husi ema laran di’ak sira, maibé obrigadu to’o agora nia nafatin dolar tanba laiha ema ida fó tulun inklui governu.

Ba jornalista sira, difisiénte Paulos Soares ho lian bunak konta, nia hamrik ladi’ak tanba ain rua no kanotak sin no maten, nune’e tenke dolar de’it iha rai.

“Ha’u-nia ain ne’e hambrik ladi’ak no kanotak sin i maten hotu, ne’ebé ha’u ba mai dolar de’it, ha’u sediauk simu buat ruma husi ema ka governu to’o ágora,” Nia dehan ba jornalista sira nia rezidénsia, Horseik (27/04).

Iha sorin seluk, Bernadete Rosa de Lima nu’udar subriña husi Paulos ho matawen konta, Paulos dolar iha rai durante tinan barak ona, maibé la iha ema ruma mak atu apoiu nia iha ninia moris, nune’e husu ba ema hotu, liliu governu oinsa bele apoiu.

“Tiu ne’e la’o ladi’ak, ne’ebé boot sira hanoin nia kondisaun hanesan ne’e, bele ajuda hahan ka osan ruma no kadeira roda ruma ba nia, nune’e nia bele uza hodi la’o ba mai, ne’ebé ami hein de’it, ami-nia lian mak nune’e ona hato’o ba ita-boot sira hodi hatutan ba ema boot sira bele tau matan Tiu ne’e,” Nia hatete.

Bernade hatutan, Paulos laiha fen ho oan, hela ho familia, iha ne’ebé na’in tolu mak kondisaun difisiénte no na’in rua seluk mak kondisaun fiziku normal.

“Na’in tolu ne’ebé kondisaun difisiénsia maka Paulos Soares ho subrina Bernade Rosa de Lima inklui sira-nia Inan Rosalina de Jesus,” katak Nia.

Entretantu durante eleisaun Prezidensiál no Parlamentár, Paulos Soares la partisipa iha prosessu eleisaun, tanba seidauk iha kartaun eleitorál, tanba impaktu husi kondisaun fíziku ne’ebé la permite Paulos atu hamrik hodi la’o, nomós laiha ema ruma maka atu apoiu nia hodi trata nia dokumetus hirak ne’e, inklui nia inan-aman rasik mos laiha hanoin atu trata Paulos nia dokumentus liliu kartaun eleitorál tanba sira rasik lahatene lee no hakerek.

Entretantu iha artigu 21 konstituisaun RDTL ko’alia kona-ba estadu iha dever hodi promove, trata no proteze sidadaun ne’ebé kondisaun difisiénsia, hanesan mós sidadaun normal liuhusi hatur sira nia direitu no dever ema ho difisiénsia nian.(*)

Related posts