Helder: TP Nia Papel Halo Mediasaun ba Kazu Disputa Rai

Diretór Terras Propriedade (TP) Munisípiu Covalima, Helder Gondinho Martins, Kuarta (04/05). Foto Tempo Timor

Tempotimor (Covalima)-Tuir Diretór Terras Propriedade (TP) Munisípiu Covalima, Helder Gondinho Martins katak, papel Terras Propriedade atu hala’o mediasaun ba sidadaun sira ne’ebe iha problema disputa Rai

“Terras Propriedade hare liubá halo mediasaun ba sidadaun sira ne’ebe iha problema disputa rai, bainhira iha disbuta rai laiha konkordansia husi parte rua ulun toos nafatin, entaun sidaduan sira lori malu ba tribunal,” Dehan Helder ba jornalista sira iha knaar fatin (04/05).

Read More

Nia hatutan, nain ba rai ne’ebé hela iha rai liur, maibé familia nafatin iha direitu hodi okupa rai ne’e, tamba halo mediasaun tenki evidénsia la’ós konta istória.

“Kazu disbuta rai sira mak hanesan sidaduan na’in ba rai ne’ebé hela iha Indonézia no Australia, maibé nia família ho nia oan hela iha ne’e, entaun sira mak iha direitu, entaun halo mediasaun la’os konta istória maibé aprezenta evidensia, tanba bazea lei númeru 1/2003 ne’ebé ko’alia kona-ba sidadaun ne’ebé okupa ilegál ema-nia sasan, faan tutan rai privadu no rai abandonadu no rai estadu, lei la ko’alia ema ne’ebé okupante atu hetan direitu hanesan sidadaun na’in ba rai sei hela hela Indonézia, Australia no Portugal hanesan iha sasin barak, entaun labele manipula,” tenik Helder.

Durante ne’e, Terras Pripriedade Covalima rejista kazu disputa rai hamutuk lima.

“Durante ha’u mandatu iha ne’e besik tinan ida-resin ona, ami rejista kazu disputa rai kuaze 5 hanesan ne’e de’it, tanba balun ami bele rezolve no kazu balun ami haruka ba nasionál mak bele rezolve,” Diretór ne’e afirma.

Entretantu tipu kazu ne’ebé Terras Propriedade haruka ba nasionál atu rezolve mak hanesan, kazu halai ba krime no sidadan sira parte rua lakohi simu malu bainhira Terras Propiedades halo mediasaun.(*)

Related posts