Durante Fulan Haat, Fokupers Covalima Rejista Kazu 33 

Kordenadora Fokupers Covalima, Antónia de Jesus, Kinta (05/05). Foto Tempo Timor

Tempotimor (Covalima)-Tuir Kordenadora Fokupers Munisípiu Covalima, Antónia de Jesus katak, durante fulan haat, Fokupers Covalima, konsege rejista kazu ho tipu kazu oioin.

“Iha fulan janeiru mai to’o abril tinan 2022, ami husi Fokupers munisípiu Covalima, rejista ona kazu hamutuk 33 no kazu hirak ne’e kompostu husi violénsia doméstika, abuzu sexuál no violénsia sexuál ba labarik menoridade sira inklui kazu abandonadu husi munispiu Ainaro Manufahi, Bobonaro no Covalima” Dehan Kordenadora Fokupers Covalima, Antónia ba jornalista sira iha knaar fatin, Kinta (05/05).

Read More

Nia hatutan, kazu hirak ne’e kazu rua mak seidauk rejista iha Ministériu Públiku (MP) tanba kliente nia dokumentus seidauk kompletu.

“Kazu hirak ne’ebé husi Fokupers rejista ne’e, iha kazu rua maka seidauk rejista iha MP, tamba kliente nia dokumentus seidauk kompletu, tan ne’e ami husi Fokupers seidauk Lori sira ba rejista iha MP, tamba dokumentus husi oan no nia inan mós seidauk iha,” katak Nia.

Koordenadora ne’e husu ba feto sira iha Covalima, atu labele tauk hato’o keixa ruma, karik hasoru problema hanesan Violénsia Doméstika no kazu selu-seluk, tanba Rede feto prontu ajuda feto sira ne’ebé hasoru terus. Tanba kazu hirak ne’e krimi públiku nune’e Fokupers Covalima prontu atende ema hirak ne’ebé hetan ona kazu.(*)

Related posts