Tempotimor (Covalima)-Polísia Nasionál Timor-Leste (PNTL) liuhusi Unidade Tránzitu Munisípiu Covalima kontinua hala’o atividade pasa revista ba sasan ilegál ne’ebé Tama iha teritóriu Timor-Leste liuhusi fronteira rai.
Tuir Sarjentu Xefe Unidade Tránzitu Covalima, Patricio de Jesus katak, objetivu husi passa revista ne’e atu prevene movimentu ilegál ne’ebé tama no sai iha fronteira Terrestre no hodi deskobre transporte ne’ebe mak kontra lei kódigu estrada.
“Ita halo chek point bazeia ba lei orgánika PNTL, ne’ebé polísia tránzitu hala’o nia kna’ar ne’e la’ós halo sek point kona-ba trasnporte públiku hanesan kareta no motorizada ne’ebé laiha dokumentu no laiha karta kondusaun ami halo mós halo fiskalizasun kona-ba sasan ilegál sai tama iha Covalima,” dehan Sarjentu xefe Patricio iha knaar fatin ba www.tempotimor.com, Segunda (09/05).
Sarjentu ne’e afirma, sasan ilegál hanesan sigaru Surya no tabaku sek mak Unidade Tránzitu hetan entrega kedas ba Polísia Servisu Investigasaun Kriminál (PSIK), tamba ne’e sira-nia iha papel.
Enkuantu durante unidade trázitu hala’o servisu pasa revista iha munisípiu Covalima, konsege prende motorizada no kareta hamutuk 358.
“Chek point ne’e segredu polísia tránzitu nian oras ka loron saida mak atu chek point ne’e segredu, ami labele fó sai, ne’ebé husi fulan janeiru to’o Abril 2022 konsege prende kareta 35 no motorizada 323 ne’ebe ne’e konta sai infradór,” katak Nia.
Entertantu relasiona ho atividade pasa revista ne’e, unidade servisu tránzitu munísipiu Covalima bandu minoridade lori transporte públiku hanesan kareta no motorizada, tamba lei la fó dalan nomós husu Juventude no Inan-aman sira iha Covalima tenke trata dokumentus ba motor no kareta ne’ebé laiha dokumentus.(*)
