Tempotimor (Covalima)-Komandante Pólisia Nasionál Timor-Leste (PNTL) munisípiu Covalima, Superintendente Basílio de Jesus katak, membru PNTL Covalima, labele halo diskusaun ka konversa asuntu polítika iha Kampaña Eleisaun Prezidensiál.
“Komandante, komandante seksaun, ajente no ita sira hotu, lalika fó espasu se bainhira entre ita, halo diskusaun ka konversa asuntu polítika, bainhira ita hala’o ita-nia funsaun iha terrenu no fó xamada atensaun, laiha autorizasaun atu halo diskusaun ka konversa asuntu polítika, ne’ebé ha’u husu ita hotu, buat ne’ebé la’ós misaun Polísia nian labele implementa iha terenu,” Hatete Komandante Basílio ba jornalista sira iha Suai, Kuarta (02/03).
Sai Polísia tenke hatudu profesionalizmu no imparsiál iha públiku no komunidade nia leet.
“Ita iha obrigasaun deskuti asuntu Polísia, sai Polísia ne’ebé profesionál, imparsial no neutru ba asuntu hotu hotu,” Tenik Basilo.
Entertantu Polísia Munisipiu Covalima mós iha loron kampaña ba Eleisaun Prezidensiál sei halo chek point ba fatin ne’ebé determinadu ba fatin kampaña, Tanba ne’e husu membru hotu étika i moral ba motorista sira ne’ebé ita servi ba orienta ba motorista hotu sira husi mai fatin hothotu ho di’ak no labele hamosu konflitu no labele uza linguajem halo propaganda tun-sae ba sidadun, tanba ne’e la’ós PNTL nia misaun.(*)
