Povu Casabauk Realiza Jogu Amizade Liuhusi UNJOCA CUP

Temputimor(Covalima)-Kuarta-feira (08/06/2022) ne’e povu Casabauk hamutuk ho Autoridade Munisípiu Covalima inklui Konfederasaun Desportu Timor-Leste (KDTL) iha munisípiu refere realiza jogu amizade ne’ebé ho naran “UNJOCA CUP” no define mós eventu ne’e ho modalidade futebool ba labarik sira ho idade 12 no foinsa’e sira ho idade 16.

Tuir Prezidente Konfederasaun Desportu  Timor-Leste iha Covalima, João de Jesus Syta, agradese ba xefe suku Casabauk, tanba iha nia isiativa rasik loke jogu futebool hodi hasa’e foinsa’e sira-nia koñesimentu iha área desportu nian.

Read More

“Hau apresia no haksolok tebes, tamba eventu ida ne’e inisiativa rasik husi nai Xefe Suku oinsá bele halibur joven sira no oinsa bele ita hotu hamutuk iha fatin ia ne’e atu koñese malu liuhusi desportu, maske funu boot, maibé desportu  bele halakon buat sira ne’e,” João de Jesus informa ba jornalista sira, hafoin halo abertura ba jogu amizade refere, Kuarta (08/06).

Iha okaziaun ne’e, Sekretáriu Munisípiu Covalima, Francisco Alves husu ba jogadór sira atu hatudu talentu ne’ebé iha, hodi nune’e ba futuru bele kompete iha nível nasionál no internasionál.

“Atividade ida ne’e pozitivu tebes, tanba iha kompetisaun jogu entre U12 no U16. Tamba ne’e ha’u hakarak hato’o ba ita boot sira ne’ebé partisipa iha jogu ida ne’e, mesak jerasaun foun de’it ne’ebé sei lori desportu Timor-Leste nian ba nasionál nomós ba iha mundu, ne’ebé joga karik kaer nafatin liafuan ne’ebé Presidente KDTL hato’o ba ita-boot sira atu joga shortplay,” Fransisco enkoraja jogadór sira.

Enkuantu iha jogu futebool ne’e klubu 17 maka partisipa ne’ebé kompostu kusi jogu Futebool ba labarik ho idade 12, hamutuk klubu hitu no jogu futebool ba labarik ho idade 16 hamutuk klubu 10, no husi klubu hirak ne’e maioria mai husi suku Casabauk.

Abertura ba jogu futebool ne’e partisipa husi Sekretáriu Munisípiu Covalima, Diretór Alfandega, Reprezentante Konsellu Veteranus iha Munisípiu Covalima, Komandante F-FDTL Postu Tilomar no Polísia Unidade UPF.(*)

Related posts