UPF Covalima Prende Atributu PSHT La Konsege Kaptura Ema

Atributu ne’ebé membru UPF prende iha área Salele, Postu Tilomar, segunda (19/07). Foto Tempo Timor

Tempotimor (Covalima)-Unidade Polísia Fronteira (UPF) destaka iha Fronteira Postu Integradu Tilomar Salele, Munisípiu Covalima prende atributu organizasaun Arte Marisiais PSHT no Tabako Sek Metan Karton rua resin, maibé la konsege kaptura ema ne’ebé hatama sasan ilegal, tanba halai lakon hotu.

Xefe Investiagasaun Krimin’al Munisípiu Covalima, Lorenço do Carmo Gusmão, informa, prende sasan hirak ne’e, hafoin membru UPF sira halo patrollamentu iha Liña Fronteira Mota-Masin, loron segunda (18/07) parte lokraik.

“Ohin ami simu fardamentu PSHT iha pasan 19 no kopu 360 iha mos pasta ki’ik 100, sira konsege hetan komunidade sira hatama sasan iha ne’eba, maibé sira halai lakon hotu, husik hela fardamentu ho sasan hirak ne’e, entaun UPF sira foti no ema halai kategoria deskoñesidu”, nia dehan iha Komandu PNTL Covalima, tersa (19/07).

Nune’e, sasan ne’ebé prende sei prosessu tuir lei liu husi Ministériu Públiku no Tribunal.

“Prosesu ba fardamentu ou kualker saida deit mak identifika, nia prosesu to’o iha Ministériu Públiku, tanba sira mak kompeténsia atu destroi ka oinsa,” nia dehan. (*)

Related posts