Komapaña PAX Protector Kapasita Seguransa 47 Iha Covalima

Seguransa PAX nian tuir hela formasaun kona-ba oinsa servisu di'ak iha instituisaun sira, Kuarta (01/06). Foto Tempo Timor

Tempotimor (Covalima)-Kompaña PAX Protector realiza formasaun ba seguransa PAX nian hamutuk na’in 47 ne’ebé durante ne’e hala’o seguransa iha instituisaun estadu munisípiu Covalima nian.

Tuir Diretur Operasaun PAX, Armindo Godinho katak, objetivu husi formasaun ne’e, atu hasa’e seguransa sira-nia koñesimentu iha área servisu seguransa nian, no oinsa profisionál liután iha servisu fatin.

Read More

“Hakarak hatete de’it katak, formasaun ne’e obrigatóriu husi kompaña PAX atu nune’e funsionáriu sira bele hatene kona-ba ezisténsia kompañia nian ho nia estrutura sira depois hasa’e koñesimentu kona-ba guarda iha sira-nia servisu fati,’’ Diretór Armindo Godinho dehan ba www.tempotimor.com iha Salaun Restu Family, Kuarta (01/06).

Armindo profunda, durante ne’e seguransa PAX Protector halo seguransa ba Instituisaun Estadu hanesan, Ministériu Finansas, Ospital, EDTL, BNCTL no seluk tan.

Entreantu Kompaña PAX harii iha tinan 2010 kona-ba área seguransa hahú iha tinan 2017, nune’e husi parte kompañia sempre fó formasaun ba traballadór sira hodi profisionál liután. Enkuantu formasaun ne’e realiza durante loron ida iha salaun Restaurante Mini Family, postu administrativu Suai, Munisípiu Covalima.(*)

Related posts