Covalimaoan Na’in 12 Servisu Ona Iha Australia

Diretór SEFOPE Munisípiu Covalima Augusto Assis Gomes ko'alia hela ho jornalista sira-kona-ba Timoroan ne'ebe servisu iha Australia, Tersa (31/05). Foto Tempo Timor

Tempotimor (Covalima)-Iha tinan 2019 Sekertária Estadu Formasaun Profesionál no Empregu (SEFOPE) Covalima hamutuk ho ekipa nasionál halo teste ba kandidatu traballadór ne’ebé atu ba servisu iha Australia hamutuk 2.000-resin, felizmente kandidatu na’in 676 maka pasa no tuir dadus provizóriu Covalimaoan foin na’in 12 maka ba servisu iha Australia.

“Iha tinan 2019 ne’ebé tuir teste hamutuk kandidatus 2.000-resin, pois ba selesaun kandidatu na’in 676 mak aprovado/pasa, depois ohin loron kandidatu ne’ebé ba ona Australia, bazeia ba informasaun ne’ebé detallu husi SEFOPE Becora katak, provizoriamente ita-nia kandidatus Covalimaoan ne’e feto na’in-lima no mane na’in-hitu mak ba servisu iha Australia, maibe maibé sira ne’ebé foin tuir ba há’u seidauk hetan dadus,” Diretór SEFOPE Munisípiu Covalima Augusto Assis Gomes ba jornalista sira iha kna’ar fatin, Horseik (31/05).

Read More

Enkuantu kandidatu seluk ne’ebé seidauk ba, tuir hela formasaun hodi nune’e bele hetan sertifikadu ruma, molok ba servisu iha Australia.

“Sira seluk ne’e komforme husi Kompañia Australia, ezemplu; husi kompañia husu 100 kandidatus, entaun ita fehe fali ba 12 Munisípiu inklui RAEOA, nune’e kandidatus hirak ne’e atu fó hela formasaun, tanba iha ema-nia rai persiza ema ne’ebé iha koñesimentu, entaun ita fó formasaun ba kandidatu sira para bele iha koñesimentu molok ba Australia,” Nia esplika.

Diretór ne’e afirma, traballadór Covalimaoan ne’ebé servisu ona iha Australia, prefere liu servisu iha área holtikultura seluk tan.(*)

Related posts