Parlamentu Foinsa’e Kapasita Estudante Sira Kona-ba LSBE no PS

Prezidente Parlamentu Foinsa'e Munisípiu Covalima, Lucas da Costa

Tempotimor (Covalima)-Juventude Parlamentu Foinsa’e sensibiliza formasaun ba estudante sira iha Eskola Sekundária Jerál Públika (ESGP) Suai kona-ba Life Skills Basic Education (LSBE) nomós oinsá bele ko’alia iha públiku.

Read More

Prezidente Parlamentu Foinsa’e, Lucas da Costa informa, objetivu husi formasaun ne’e atu kapasita estudante sira oinsá bele ko’alia iha públiku inklui edukasaun báziku bazeia ba abilidade moris nian.

“Ohin Ami Parlamentu Foinsa’e Covalima nian fasilita formasaun life skill basic education nomós public speaking ne’ebé ho objetivu atu hasa’e estudante sira-nia kapasidade,” Prezidente PF Munisípiu Covalima, Lucas informa ba jornalista sira iha salaun ESGP Suai, Segunda (06/06).

Iha fatin hanesan, partisipantes Fortunato do Carmo Amaral agradese ba ekipa Parlamentu Foinsa’e tanba fasilita ona sira oinsá bele ko’alia iha públiku.

“Atan ha’u kontente no orgullu nu’udar foinsa’e, tanba liuhusi formasaun ida ne’e bele aumenta ha’u-nia esperiénsia no kapasidade hodi bele fó valór ba ha’u-nia aan, depois matéria LSBE ne’e refere liu ba ita-nia moris iha parte moral nian, inklui kona-ba public speaking,” Fortunato espresa ho kontente.

Entertantu formasaun ne’e hala’o iha salaun Eskola Sekundária Jerál Públika (ESGP) Suai ne’ebé partisipantes mai husi estudante sira hamutuk na’in limanulu.(*)

Related posts