Hamenus Despeza, UNPAZ Suai Kontinua Simu Estudante Foun

Logo Universidade da Paz (UNPAZ).

Tempotimor (Covalima)-Haree ba kapasidade ekonómiku familia nian iha baze mak, Universidade da Paz (UNPAZ) nu’udar ensinu superiór privadu ne’ebé loke ramo iha Covalima kontinua halo inskrisaun ba estudante foun hodi ajuda despeza ba Dili.

“Eskola iha Dili ho orsamentu boot, nune’e husu ba parte hotu atu apoiu UNPAZ, tanba polítika desentralizasaun UNPAZ komesa hahú ona, molok governu implementa, entaun Covalimaoan tenke na’in ba UNPAZ Covalima,” dehan Koordenadór UNPAZ Covalima Silvestre Ferreira jornalista sira iha knar fatin, Kuarta (09/03).

Read More

Koordenadór ne’e komenta, eskola iha Covalima despeza la to’o dollar amerikanu rihun ida remata ona, maibé bainhira eskola iha Dili sei gastu osan barak, tanba finansia ba kos, bemo no seluk.

Tanba ne’e, UNPAZ ramu Covalima kontinua simu estudante foun no husu ba estudante ne’ebé akaba sekundária ka funsionáriu ona bele rejistu iha Universidade da Paz.

Entertantu Fakuldade Enjeñaria, Ekonomia, Direitu, Saúde Públiku, Siensia Sosiais Humana no fakuldade tékniku Agrikola mak eziste iha ramu UNPAZ ne’ebé estabelese iha Covalima.(*)

Related posts