Tempotimor (Covalima)-Servisu Munisipál ba Asaun Sosiál (SMAS) ne’ebé tutela iha Ministériu Solidariedade Sosiál no Inkluzaun (MSSI), liuhusi Xefe Departamentu Anacleto do Nascimento katak, husi fulan janeiru to’o Marsu 2022 servisu munisipál ba asaun sosiál distribuí ona kaixaun 70 ba ema ne’ebé lakon vida.
“Husi fulan janeiru mai to’o fulan marsu tinan ne’e, SMAS apoiu kaixaun hamutuk hitunulu ba ema mate iha Covalima,” Hateten Xefe Departamentu SMAS ne’e ba www.tempotimor.com Kuarta (09/03).
Xefe Departamentu salienta, orsamentu ba kaixaun 70 ne’e hamutuk dollar amerikanu rihun $,9.910.00.
“Totál kaixaun 70, kaixaun ba ema boot ho médida 140cm hamutuk kaixaun 49 ne’ebé kada kaixaun ho kustu $170 dolar amerikanu. Kaixaun ho médida 90-130cm hamutuk kaixaun 7 iha ne’ebé kada kaixaun kustu $95.00, Kaixaun ki’ik ho médida 60-80cm hamutuk 14 no kada kaixaun kustu dolar $60. Nune’e total orsamentu ba kaixaun hirak ne’e hamutuk rihun $,9.910.00,” katak nia.
Entertantu kritéria atu hetan apoiu kaixaun husi Servisu Munisipál ba Asaun Sosiál ne’e mak lori deklarasaun husi xefe suku, sertidaun moris no reprezentante kartaun eleitorál ba família matebian, depois SMAS despaixa dokumentu ba kompañia hodi entrega kaixaun hira neºe ba familia matebian nian.(*)
