Tempotimor (Covalima)-Ministériu Turizmu Komérsiu Indústria (MTKI) liuhusi Diresaun Nasionál Apoiu Dezenvolvimentu Mikro e Pekenas Média Empreza hala’o sosializasaun programa negósiu sosiál ba emprezáriu no autoriedade lokál sira iha Munisípiu Covalima.
“Objetivu ohin, MTCI liuhusi Diresaun Nasionál Apoiu Dezenvolvimentu Mikro e Pekenas Média Empreza socializa no motiva emprezáriu nasionais sira, hodi dezenvolve sira-nia aan, tanba oitavu Governu Konstitusionál atu elabora no ezekuta, koordena, avalia iha atividade ekonómia,” Hateten Diretór Jerál Indústria, Carlos Ximenes ba jornalista sira iha Salaun Administrasaun Munisípiu Covalima. Horseik (23/03).
Iha sorin seluk, reprezentante emprezáriu lokál, Leonito Gusmão husu ba Ministériu Komérsiu Indústria atu prepara kondisaun di’ak, nune’e emprezáriu lokál no nasionál sira labele sai bainaka iha rain rasik.
“Husu ba governu se bele limita tiha xineza sira ne’ebé tama mai, se lae emprezáriu nasionál no lokál mak sai vítima ka sai bainaka iha nia rai ida ne’e, ne’ebé ko’alia kona-ba merkadu, governu tenke prepra maximu, labele fó livre demais ba xineza sira,” Emprezáriu lokál Leonito Gusmão hatete.
Entretantui programa ne’e realiza tanba kooperassun ho Banku Nasionál Komérsiu Timor-Leste (BNCTL) no Institutu de Apoiu Dezenvolvimentu Empresarial (IADE) ne’ebé ho objetivu atu habelar ka habo’ot negósiu sira iha Timor-Leste.(*)
