Tempotimor (Covalima)-Polísia Servisu Investigasaun Kriminál (PSIK) husi nasionál ho munisípiu Covalima kaptura ona suspeitu ho inisiál LJC iha Tabak-loot tanba desconfia involve iha kazu ameasa haraun bus munisípiu Manatutu no Lautem.
Kinta-feira horseik (28/04/2022) parte seguransa halo prosesu identifikasaun ba suspeitu LJC iha ne’ebé nu’udar estudante estajiadu UNTL ida bazeia ba no notifikasaun ho númeru nuc.0086/22.
Bazeia ba identifikasaun ne’e mak Polísia Servisu Investigasaun Kriminál (PSIK) husin nasionál hamutuk ho munisípiu Covalima kaptura ona joven mane ida husi munisípiu Viqueque ho inisiál LJC ne’ebé hela iha aldeia Tabako-loot, suku Debos, hodi submete ba prosesu identifikasaun, tanba iha dia 20 de abril 2022 suspeitu refere ho cs lansa ameasa no asaltu ba movimentu ema no transporte públiku diresaun Dili Manatutu no Dili Lautem.
Husi prosesu to’o faze kapturasaun ba estudante husi Universidade Nasionál Timor Lorosa’e (UNTL), Fakuldade Medisina Siénsia no Saúde ne’e koopera ho parte seguransa hodi tuir prosesu identifikasaun ne’ebé halo iha Kuartel Jerál PNTL Covalima.
Liga ba prosesu ne’e, ofisiais PSIK nasionál no munisípiu la fó komentáriu kona-ba atuasaun refere, maibé tuir informasaun katak, juventude ne’e PSIK halo identifikasaun tanba konsidera kontra artigu 53 kódigu prosesu penal, tamba deskonfia involve iha aktu ameasa movimentasaun transporte públiku ne’ebé previstu iha kódigu prosesu penál artigu 257.
Tuir mandadu kapturasaun ho nuc.0086/22/PSIKN katak suspeitu LJC inklui nia kolega na’in tolu seluk PSIKN halo ona identifikasaun iha kapitál Dili ho nune juventude na’in haat mak submete ona ba prosesu identifikasaun husi PSIK nasionál. Entertantu hafoin prosesu identifkasaun suspeitu LJC sei fali ba rezidénsia hodi hein prosesu tuir mai.(*)
