Tempotimor (Covalima)-Relasiona ho akordu entre Grupu Arte Marsiais (GAM) no Grupu Arte Rituias (GAR) ne’ebé aban sei hala’o asaun dame malu mak ohin Komisaun Reguladora Arte Marsiais realiza limpeza hamutuk entre grupu organizaun sira iha Igreja Avê Maria Suai.
Tuir reprezentante sub-KRAM munisípiu Covalima, João de Jesus katak, limpeza jeral iha Igreja Avê Maria Suai ne’e hodi prepara ba asaun dame ne’ebé sei realiza aban (30/04/2022) iha Igreja Avê Maria.
“Limpeza jerál ne’e ami husi organizasaun ne’ebé eziste iha munisípiu Covalima, ho objetivu atu halo asaun dame malu entre arte marsiais no arte rituais, ne’ebé sei realiza ba loron aban, halo missa depois de missa halo palestra iha igreja tuan,” dehan João ba jornalista sira iha Igreja Suai, Sesta (29/04).
Entretantu grupu arte marsiais no arte ritual ne’ebé hola parte iha limpeza jerál ne’e mak hanesan PSHT, Kera Sakti, KORK, Taekwondo, Pajajarang, Rajawali, Karate, no arte rituais hanesan, 77, kolimau 2000 no seluk tan ne’ebé ejiste iha Covalima.(*)