Tempotimor (Covalima)-Komisaun Reguladora Arte Marsiais (KRAM) hamutuk ho sub Komisaun Reguladora Arte Marsiais munisípiu Covalima, hodi halo prepra ba asaun dame ne’ebé Grupu Arte Marsiais no Grupu Arte Rituais sei realiza iha sábado semana ne’e.
Presidente Sub KRAM munisípiu Covalima, Fransisco Barros katak, asaun dame ne’ebé sei hola parte husi GAM no GAR ne’e sei realiza misa santa ba Arte Marsiais no rituais Iha Igreja Avê Maria Suai, bazeia ba moto Adeus Konflitu Bem-vndo unidu hodi kontribui ba dezenvolvimentu iha munisípiu Covalima.
“Ohin ami konvida Arte Marsiais no Arte Rituais sira hotu iha munisípiu Covalima, mai partisipa hodi ko’alia kona-ba preprasaun ba sábadu (30/04/2022) semana ne’e katak, ba oin rai ida ne’e tenke desenvolve, tanba ne’e barak hatete boa viajen konflitu, bem-vindu desenvolvimentu, tanba ne’e hakarak ka lakohi ita tenke kria asaun dame, nune’e ita-nia joven sira ne’ebé inklina-aan iha arte marsiál no arte rituál ho lian ida, ibun ida,” Hateten Presidenti Sub KRAM Munisípiu Covalima ne’e ba jornalista sira. Tersa (26/04).
Enkuantu organizasaun arte marsiais no rituais sira ne’ebé sei partisipa iha eventu asaun dame malu, ne’e mak hanesan KORK, PSHT, IKS, Arte Rituál sira inklui Arte marsiais sira seluk iha Munisipiu Covalima. Iha ne’ebé kada organizasaun Arte Marsiais no Rituais sei lori de’it membru 60 hodi partisipa iha misa santa iha igreja Avê Maria Suai.(*)
