SEJD ho FHT Sosializa Utilizasaun Internet Saudável ba Estudante no Joventude iha Covalima

Reprezentante estudante sira inklui juventude munisipiu Covalima partisipa hela iha workshop kona-ba internet saudavel ne'ebe sosializa husi SEJD no FHT, Segunda (30/05). Foto Tempo Timor

Tempotimor (Covalima)-Sekretáriu Estadu Juventude no Desportu (SEJD) servisu hamutuk ho Fundasaun Hadomi Timor (FHT) ne’ebé koopera ho Sentru Juventude Covalima (CJC) realiza workshop oinsa estudante no juventude sira bele utilizasaun internet saudável.

Tuir Diretór Jeral SEJD, David Tomas Maia katak, objetivu husi workshop ne’e, atu hasa’e foinsa’e sira-nia abilidade kona-ba oinsa utiliza internet ho meius ne’ebé di’ak hodi dezenvolve ida-idak nia aan, tanba tuir dadus peskiza balun hatudu katak pursentu isin rua sedu no kaben sedu sa’e ona to’o 24%.

Read More

“Husi formasaun ne’e oinsa bele kapasita ita-nia joven sira para bele utiliza internet nomós plataforma sira ba buat ne’ebé pozitivu hodi dezenvolve sira-nia aan, liu-liu estudante sira oinsa bele uza internet hodi tulun sira liu-liu ba edukasaun nian, tanba tuir dadus husi peskija balun katak númeru kaben sedu no isin rua sedu ne’e sae maka’as husi to’o 19% to’o 24%, tanba kauza husi joven sira asesu internet maibé ba liu pornografia,” DJ ne’e informa hafoin halo abertura ba Workshop refere, Segunda (30/05).

Iha fatin hanesan Marcelina da Reisurreição nu’udar voluntáriu CJC nian, sente orgullu ho formasaun ne’e, tanba bele hasa’e ona kapasidade oinsa bele utilizasaun internet ho saudável.

“Há’u sente kontente bainhira tuir formasaun ne’e tanba bele kapasita ona kona-ba lalaok utiliza internet ho meius ne’ebé di’ak hodi dezenvolve ami-nia an, tanbe ne’e buat ne’ebé há’u hetan iha ne’e sei hatutan ba há’u nia kolega sira liu-liu ba familia sira kona-ba oinsa utiliza internet ho saudável,” Marceina dehan.

Enkuantu iha Whorkshop ne’e fasilitador mai husi Fundasaun Hadomi Timor, no worshop refere kobre munisípiu hotu inklui RAEOA. WorKshop ne’e partisipantes hamutuk 60 ne’ebé kompostu husi reperzentante estudante ESGP, ESKAM, ESTV Kristal, EBC Avê Maria, EBC Sândalo, KAFE inklui Voluntáriu sira husi Sentru Juventude Covalima.(*)

Related posts