Tempotimor (Covalima)-Primeiru Ministru (PM), Taur Matan Ruak presta omenajen ba martires sira iha Monumentu Masakre Setembru Negru 1999 Munisípiu Covalima
“Ita konsentra iha fatin ida ne’e, liu-liu ba Autóridade ita hotu hahú hanai ba ita nia eroi no mártires sira ne’ebé fó sira nia isin no tan hein sira bele haksolok ho ita”, Maijór Jenerál, Falur Rate Lake hatete liu husi nia diskursu molok atu tau ai-funan iha Monumentu Setembru Negro 1999, kuarta (27/10).
Nia dehan, merese duni atu hahi no hanai heroi siraa iha era ukun rasik-an, tanba ho sira nia sakrifisiu ohin loron povu bele livre.
“Vitória ne’ebé ita hetan, vitoria koletiva, agradese ita boot sira nia prezensa ho laran no domin ba ita nia mártires sira kontenti hodi tulun ita iha luta ne’ebé ita hetan bele susesu liu”, dehan Falur
Presta omenajen ne’e, Primeiru Ministru, Taur Matan Ruak akompaña husi Ministru Petróleu no Minerais, Vise Ministru Administrasaun Estátál, Prezidente Konselu Veteranu, Prezidente Autóridade, Administradór no entidade sira. (*)
