Sentru Covalima Kapasita Voluntáriu 21 Kona-ba Programa Merenda Eskolár

Tempotimor (Covalima)-Organizasaun la’ós Governu Centro Comunidade Covalima (ONG CCC) fasilita formasaun ba voluntáriu na’in 21 iha Covalima kona-ba programa merenda eskolár.

Tuir diretór NGO Sentru Komunidade Covalima, Alberto de Jesus Barros katak, objetivu prinsipál maka kapasita voluntáriu sira tanba hetan apoiu husi Gabinete Primeiru-Ministru.

Read More

“Centru Comunidade Covalima hetan fundus husi Servisu Apoiu Sosiedade Sivíl no Auditóriu Sosiál (SASCAS) ne’ebé tutela ba Gabinete Primeiru-Ministru (GPM), entaun programa sira ne’e mai husi estadu, tamba ne’e ohin sentru fahe informasaaun ba grupu voluntáriu sira ne’ebé iha eskola ne’ebé hanesan pilotu atu tau matan ba programa merenda eskolár, atu nune’e programa sira ne’e bele la’o ho di’ak iha eskola sira ne’ebé iha munisípiu Covalima,” hateten Diretór CCC Alberto ba jornalista sira iha knaar fatin, Segunda (28/03).

Iha fatin hanesan Koordenadór Consellu Diretiva Nasionál, José da Silva tenik, fasilita volutáriu sira ne’e kona-ba merenda eskolár tuir modula dalaruak ba auditóriu sosiál.

“Fasilita kona-ba module daruak nian ba auditóriu sosiál, ita iha module primeiru prosesu entre Fundasaun Ázia no fongtil, iha momentu 2016 bainhira ita asina memorandu governu nian iha 2015, bainhira iha mandatu governu daneen nian,” katak Nia.

Nia hatutan, “module primeiru ne’e sai hanesan implementadór iha prosesu. Ho Nune’e husi konsellu diretiva tuur no implementa tan module daruak nian, tanba module dahuluk to’o ona tinan lima,” Diretór ne’e subliña.

Entretantu formasaun durante loron rua ne’e hetan partisipasaun husi autoridade lokál, komunidade no joven sira iha munisípiu Covalima.(*)

Related posts