SAMC ho GSH Kolleta Batar Hektares 7 Iha Covalima

Tempotimor (Covalima)-Sesta-feira ne’e, Servisu Agrikultura Munisípiu Covalima (SAMC) hamutuk ho Grupu Susar Hadomi (GSH) Kolleta batar hamutuk hektares hotu iha suku Suailoro ne’ebé produz husi Grupu Susar Hadomi.

Read More

Tuir Diretór SAMC, Domingos Gusmão katak, ohin halo kolleta ba Batar ne’ebé produz husi Grupu Susar Hadomi, ne’ebé husi parte SAMC prontu apoiu fini iha periodu tuirmai.

“Ami prontu fasilita mina ho fini ba komunidade no grupu to’os na’in sira, nune’e bele hasa’e produsaun iha Covalima, ne’ebé agradese tebes ba grupu ne’ebe durante ne’e esforsu, ohin kolleta ho hatudu nia rezultadu diak, ne’ebe nu’udar komunidade kontinua servisu no labele konsumu ka depende de’it ba importasaun,” Diretór ne’e Informa ba jrnalista sira iha suku SuaiLoro, postu Suai, Sesta (01/04).

Iha fatin hanesan xefe Grupu Susar Hadomi, Manuel dos Santos senti kontenti tebes, tamba batar ne’ebé sira kuda, ohin kolleta ona no hatudu resultadu ne’ebé di’ak.

“Ami sente kontenti tebes ho rezultadu kolleta batar ne’ebé hatudu rezultadu di’ak, ne’ebé agradese tebes ba servsu agrikultura nia apoiu husi hahú to’o kolleta batar ne’e,” Katak nia.

Xefe grupu ne’e akresenta, membru husi Grupu Susar Hadomi (GSH) hamutuk na’in 10 iha ne’ebé kompostu husi feto na’in lima no mane na’in lima.

Entretantu kolleta batar hektares hitu ne’e hala’o iha suku Suailoro, adeia Loro, bairu Sukabi-mesak ne’ebé hetan partisipa másimu, husi autoridade munisipál, autoridade lokál no komunidade iha bairu refere.(*)

Related posts