Tempotimor (Covalima)-Vise Ministru Agrikultura e Peskas (V-MAP), Abilio Xavier de Araújo apresia grupu Hortikultura Hader Foinsa’e Agrukultura Tilomar (HAFAT) ne’ebé ho inisiativa hodi servisu ekipa no kuda pateka ne’ebé ohin konsege halo kolleta.
“Inisiativa husi joven sira ne’ebé hola parte no kontribui iha prosesu desenvolvimento ekonómia ne’e hanesan Vise Ministru Agrikultura no Peskas (V-MAP) apresia tebes, nune’e kontinua nafatin halo servisu liliu iha setór agrúkula,” Vise MAP, Abilio Xavier de Araújo ba Jornalista sira horseik, Tesra (24/05).
Iha sorin seluk xefe grupu HAFAT, João Amaral dehan, bainhira harii grupu HAFAT, atividade mak hortikura ne’ebé hahú iha tinan 2018 to’o 2019, maibé tanba iha fallansu asesu ba merkadu no klima la favorese maka HAFAT muda fali aktividade no estratéjia agrikultura hodi kuda de’it paketa.
João aumenta, grupu muda estratégia, tanba iha tinan 2021 HAFAT hetan apoiu orsamentu husi Ministériu Agrikultura no Peskas (MAP) hamutuk $2,000.00.
“Iha tinan 2021, ami-nia grupu HAFAT hetan apoiu husi MAP ho montante orsamentu rihun $2,000.00, loloos ami atu hodi halo atividade hortikultura nian, maibé tanba ho situasaun klimátika, entaun ami muda fali ba kuda pateka,” Nia dehan.
Husi husi Fundu ne’ebé grupu HAFAT hetan husi MAP, mak grupu ne’e halo ona kolleta dala rua ba pateka ne’ebé sira kuda.
“Husi fundus ida ne’e ami kolleta pateka dala rua, iha primeru ami kuda pateka ami kolleta hetan osan rihun $2,300, enkuantu ba kolleta faze daruak nian seidauk iha serteza, tanba atu lori ba. Ne’ebé ami halo ona kontaktu ho supermerkadu sira iha Dili, liliu iha Lecidere, inklui husi supermerkadu Lider mós kontaktu ona ami atu lori pateka ba sira-nia fatin, entaun tuir ami-nia kalkulasaun ami tenki hetan osan rihun rua ba leten,” Nia tenik.
Enakuntu membru grupu HAFAT ne’ebé dadaun ne’e hola parte iha grupu infreta obstákulu, tanba membru sira la’ós mai husi epesialidade agrikultura. Maibé husi prosesu aprendizajen ne’ebé HAFAT hala’o durante ne’e ajuda ona membro sira hodi habelar ona programa kuda pateka.(*)
