BNCTL Covalima Halo Ona Pagamentu ba Idozu 400

Tempotimor (Covalima)-Tuir jerente BNCTL sukursál munisípiu Covalima, Manuel Calisto Ximenes katak, Banku Nasionál Komérsiu Timor-Leste (BNCTL) munisípiu Covalima halo ona pagamentu ba idozu no invalides sira hamutuk na’in 400-resin.

“Totál benefisiáriu iha Covalima hamutuk 6.066, ne’ebé kompostu husi ema idozus no invalides “difisiénsia”. Maibé benefísiu ne’ebé simu uluk ona hamutuk 400-resin, no pagamentu ne’e hanesan faze dahuluk ba periodu tinan 2021 ne’ebé ohin BNCTL fasilita ona,” dehan Manuel ba www.tempotimor.com iha suku Suailoro, Sesta (25/06).

Nia afirma, molok ne’e, BNCTL halo ona pagamentu ba benefisiáriu sira iha suku Beko, Labarai no agora kontinua iha suku Suailoro.

“Pagamentu ne’e ami komesa iha suku Beko, horiseik iha suku Labarai no ohin iha Suku Suailoro, ne’ebé tuir dadus iha suku Beko na’in 200, suku Labarai 200, maibé iha suku Suailoro mak seidauk klaru,” katak Nia.

Alende ne’e, informasaun ne’ebé espalla iha públiku katak, ema idozu sira ne’ebé la vasina sei la hetan nia direitu ne’e i formasaun falsu (hoax). Tanba ne’e BNCTL husu ba benefisiáriu sira lalika preokupa.

Entertantu Orsamentu ne’ebé atu halo pagamentu ba ema idozus ho invalides sira hamutuk 6.066 iha Munisípiu Covalima hamutuk dollar Amerikanu mlilaun $1.091.880.00.(*)

Related posts