Komunidade Dais Hetan Mate Isin Ida Iha Ponte Raiketan

Tempotimor (Covalima)-Kinta-feira (24/02/2022) maizumenus tuku 17:00 lorokraik ne’e Komisaun Jestaun Risku Dezastre Naturais (KRDN) munisípiu Covalima hamutuk ho komunidade husi Dais hetan mate isin ida iha mota Raiketan suku Belekasak, postu Maucatar.

Tuir Dinis Pereira liuhusi via telefone ba www.tempotimor.com katak, matebian ne’ebé mota lori ho naran kompleitu Lusia da Cunha husi munisípiu Bobonaru, postu administrativu Lolotoe.

Read More

“Mota lori iha tuku 2 iha parte mota Has-ain, suku Belekasak, depois to’o tuku 17:00 liubá ne’e mak foin hetan mate isin señoraa Lusia da Cunha (37) ne’e iha mota Raiketan parte aldeia Dais nian,” dehan ekipa Komisaun Risku Dezastre Naturais ne’e ba www.tempotimor.com via telefone, Kinta (24/02).

Nia dehan, señora Luisa da Cunha ho nia oan Paulo Mendes mai husi suku Opa, postu administrativu Lolotoe, munisípiu Bobonaru.

“Tuir nia oan mane ba ami, sira mai Covalima ho objetivu atu mai faan malus iha merkadu Suai no nia oan mane eskola iha Suai aproveita atu asina nia diploma mak mai, ne’ebé tuir nia oan konta kronologia akontesimentu ba ami ne’e nia inan hakur mota mak nia malus fa’an nian monu ba mota laran mak nia filafali atu foti nia malus, maka mota lori liu nia inan ne’e,” tenik Dinis Pereira.

Entertantu Liga ho matebian nia mate isin ne’ebé hetan ona ne’e sei dezloka ba matebian nia moris fatin, munisípiu Bobonaru.(*)

Related posts