Tempotimor (Covalima)-Amu Parókia Avê Maria Suai, Sebastião Eugénio da Cruz Correia husu ba inan-aman sira atu labele husik oan sira ne’ebé sei eskola labele partisipa iha kampaña.
“Ba estudante sira ne’ebé sei eskola, labele tuir kampaña, favor boot ida, tanba imi sei eskola oan, nomós husu ba inan-aman sira labele husik imi-nia oan sira tuir kampaña, se lae imi-nia oan ki’ik oan sira ne’e mós ba hotu, depois ema sama hanehan sira mak foin sente,” hateten Amu Sebastião hafoin prezide misa eukarístia ba loron sinzas nian, (02/03)
Padre ne’e mós enkoraja komunidade sira katak, bainhira partidu balun mak fahe Osan hodi haruka tuir kampaña di’ak liu simu simu osan no vota mak tuir ida-idak Nia konxiénsia.
“Oras ne’e ema balun lori sira-nia programa no balun lori osan mak la’o hodi sosa imi, ne’ebé sira fahe osan ba imi karik, simu de’it, partidu se de’it ba rona mak fahe osan simu de’it, ba tama laran ne’ebá vota ho konxiénsia, tama ba iha laran O ho pregu no surat tahan mesak de’it, ne’ebe partidu se mak fahe osan simu de’it depois mak tu’u,” Tenik Nia.
Entertantu amu Sebastião husu ba membru partidu hotu atu labele hamosu problema iha komunidade nia leet.(*)
