Tempotimor (Covalima)-Ligasaun estrada entre postu administrativu Suai ba postu administrativu Fatumea ne’ebé hetan estragus husi udan boot iha semana kotuk, ne’ebé to’o oras ne’e kontinua aat mak halo administradór postu administrativu Fatumea, Geraldo Orleans la satifeitu tanba Obras Públika Covalima deklara rende atu hadi’a estrada refere.
“Ha’u hato’o ona ba Obras Públiku, maibé sira hatán ba ami dehan rende atu hadi’a estrada Covalima tomak, entau ami mak iha postu ne’e atu halo nusa, tanba nu’udar servidór ida mak dehan rende ne’e, entaun halo nusa bele ba oin,” hateten Administradór Fatumea ne’e ba jornalista sira iha Suai, Sesta (04/03).
Parte Obras Munisípiu nian bele hatán rende, maibé ami la rende atu hamutuk ho ami-nia autoridade lokál atu servisu voluntáriu hodi hadi’a estrada refere, tanba ne’e iha tempu badak sei hato’o ba xefe suku no xefe aldeia hodi servisu hamutuk hadi’a estrada ne’e.
” Tempu badak ha’u sei hato’o ba ita xefe aldeia no xefe suku fó hatene ba komunidade sira hodi servisu taka raik kuak no dalan ne’ebé kotu iha Fatumea,” katak Nia.
Hanesan administradór postu Fatumea la satisfas ho servisu Obras Publiku munisípiu nian, tanba hatán ba ami mak rende atu hadi’a estrada, ne’ebé ami triste tebes ho sira nia hatán ida ne’e.
“Agora dadauk kondisaun estrada ligasaun husi postu Fatumea mai munisípiu ita liu ho kareta ne’e labele, tanba roda sorin tara hela, tanba kondisaun estadu grave tebes no liga fali ba sentru suku Fatumea niaa ba aldeia tanba kareta labele asesu, dalan kotu ne’ebé sira hatán liafuan rende ne’e hánesan ami autoridade la satisfas,” Nia hakotu.(*)
