Tempotimor (Covalima)-Tuir ofisiál Sekretáriu Tékniku Administrasaun Estatál (STAE) munisípiu Covalima, Diogo Cardoso Vicente katak, STAE fasilita formasaun ba ofisiais sentru votasaun na’in 70 iha postu Administrativu Fohorem durante loron tolu liga ho elisaun ne’’ebé sei realiza iha 19 marsu 2022.
“Formasaun ne’e ba ofisiais votasaun sira durante loron tolu ho objetivu atu haforsa ba sira-nia knaar ne’ebé sira agora foti hela, nune’e hodi prepra ba loron votasaun ne’ebé sei monu iha 19 marsu tinan ne’e,” Hateten Ofisiais STAE Munisípiu Covalima ne’e ba jornalista sira iha Fohorem, Sesta (04/03).
Nia hatutan, kada sentru votasaun sei koloka ofisiais na’in sanulu hodi hola konta ba sentru ne’ebé estabelese ona iha postu administrativu sira.
Entertantu sentru votasaun no dadus eleitór ne’ebé atu partisipa eleisaun prezidensiál tinan 2022 iha munisípiu Covalima ne’e eleitor hamutuk rihun 47.807 no totál sentru votasaun ne’ebé stabelese iha Covalima tomak hamutuk 80 no estasaun de votu hamutuk 92.(*)
