Oscar: “Ami Lansa Fatuk Dahuluk Hodi Harii Sede P-KHUNTO”

Tempotimor (Covalima)-Koordenadór no militante husi Partidu Kmanek Haburas Unidade Nasionál Timor Oan (KHUNTO) iha Munisípiu Covalima hatur fatuk dahuluk hodi konstroi sede partidu nian iha aldeia Ailoklaran, suku Camanasa postu administrativu Suai.

Tuir Koordenadór partidu KHUNTO Munisipiu Covalima, Oscar Amaral katak, objetivu konstroi sede partidu ne’e atu halibur militante sira husi postu hitu, bainhira iha eventu ba partidu nian.

Read More

“Ami ohin hatur fatuk dahuluk ba ami-nia sede partidu KHUNTO, nune’e ami husi postu hitu hala’o atividade ka eventu partidu nian iha munisípiu, Ami hala’o iha ne’e de’it, tanba durante ne’e hala’o atividade partidu iha ha’u-nia uma, tanba ne’e halibur no halo kontribuisaun hodi konstrui sede partidu iha fatin sentru suku Camanasa,” dehan Oscar Amaral ba jornalista sira iha suku Camanasa, Horseik (06/03).

Sede refere ho médida 10×9 no orsamentu ne’ebé konstroi sede refere liu rihun ida.

“Orsamentu $1.000 ital, kona-ba tékniku no servisu na’in, ami militante Ppartidu KHUNTO oan rasik mak halo servisu, tanba ida ne’e sede provizóriu, maibé ami iha planu ona atu konstrui sede partidu permanente, mais ne’e ami persiza tur hamutuk hodi buka solusaun,” katak Nia.

Koordenadór ne’e mós husu ba militants sira sira iha munisípiu Covalima atu servisu hamutuk nune’e konstrusain ba sede refere bele finaliza lalais iha tempu badak.(*)

Related posts