EDTL-EP Covalima Kontinua Survey Suku Hodi Instala Liña Eletrisidade

Diretór Eletrisidade de Timor-Leste, Empreza Públika (EDTL,Ep) Munisípiu Covalima, Alexandre Seran, Sesta (22/04). Foto Tempo Timor

Tempotimor (Covalima)-Tuir Diretór Eletrisidade de Timor-Leste, Empreza Públika (EDTL,Ep) Munisípiu Covalima, Alexandre Seran katak, iha Covalima suku hitu mak seidauk asesu ba liña eletrisidade, tanba ne’e ekipa halo ho survey ba suku hira ne’e, nune’e iha tempu badak bele lori ona liña eletrisidade ba sira.

Read More

“Asesu ona eletrisidade mak suku 23, falta suku hitu mak seidauk sei la’o hela, foin dadaun iha re-tender ba suku Lactos, Ucekai ho Mape mak agora servisu la’o dadauk, agora sei iha suku haat hanesan Fatumea Vila Datotolu, Lour inklui suku ida seluk tan,” dehan Diretór Alexandre ba jornalista sira iha knaar fatin, Sesta (22/04).

Nia hatutan, parte EDTL munisípiu Covalima halo ona inspesaun hodi tuir re-tender.

“Ami nia tékniku inspesaun ami halo ona, oinsa sira bele tuir re-tender para bele hala’o obra ne’e to’o remata, ne’ebé suku sira ne’ebé hau mensona ba ne’e iha aldeia 57 mak seidauk asesu ba eletrisidade,” Nia tenik.

Entretantu iha munisípiu Covalima suku haat maka sei iha prosesu instalasaun ba liña eletrisidade kompostu husi suku Lour, Mape, Ucekai ne’ebé hola parte ba postu administrativu Zumalai, enkuantu suku Lactos inklui suku Datotolu postu administrativu Fohorem.(*)

Related posts