Tempotimor (Covalima)-Tuir Enjeñeiru ba Programa Nasional Dezenvolvimentu Suku (PNDS) Munisípiu Covalima, Pedro de Araújo Gomes hateten prosesu konstrusaun Uma Kbi’it Laek (UKL) iha munisípiu Covalima hamutuk uma-ka’in sianulu dadaun ne’e atinje ona 72,63%.
“Bazeia ba prosesu hari Uma Kbi’it Laek ne’ebé ami foti lista kandidatu, ekipa verifikadór verifika uma depois mak harii iha Covalima hamutuk uma 90 sno agora dadaun prosesu konstrusaun atinje ona 72,63%,” Informa Enjiñeiru Pedro ba jornalista sira iha kna’ar fatin, Horseik (22/04).
Implementasaun UKL iha suku lima ne’ebé iha postu administrataivu Zumalai atinji ona 100%, falta deit suku Lepo mak seidauk implementa, tanba kondisaun estrada ladi’ak, maibé konstrusaun seluk la’o hela.
“Iha postu Zumalai, suku sira ne’ebé UKL Stine ona 100% mak Lour, Zulo, Tazhilin, Raimea, Fatu Leto no suku Usukai, enkuantu suku Mape no Usukai oras ne’e kontrusaun la’o hela no suku Lepo mak sedauk implementa tamba kondisaun estrada ladi’ak, entaun difikulta ami atu tula materiál kontrusaun hodi ba iha suku refere no iha suku Zulo uma ida halo kontrusaun remata ona no hetan ona inagurasaun,” Nia hatutan.
Pedro salienta, postu administrativu neen seluk iha Covalima prosesu konstrusaun UKL balun atinje ona 100% no balun kontinua konstroi.
“Iha postu Maukatar, suku balun to’o ona 100% no balu agora nia prosesu sei la’o hela, iha postu Fatumea konstrusaun agora prosesu la’o hela atinje ona 50,64%, iha postu Suai atinje ona 52,77%, iha postu Fatululik, suku Taroman no Fatululik prosesu kontrusaun atinje ona 100% hein de’it enkontru kontabilidade finál, iha postu Tilomar nian prosesu atinje ona 68’4%, bazeia ba progresu ne’ebé atinje iha fulan Marsu, iha postu Maukatar suku Ogues mak atinje ona 100% hein de’it ba inaugurasaun no suku seluk iha Maukatar hothotu tama ona iha 90% ba leten no totál progresu iha Maukatar 88,17% no iha postu Fohorem agora la’o hela no atinje ona 73,49%,” Nia esplika.
Entretantu progresu Uma Kbi’it Laek ba faze dahuluk iha Munisípiu Covalima atinje ona 72,63% no ba iha konstrusaun Uma Kbi’it label (UKL) ba faze segundu sei halo konstrusaun uma 278 no agora lista tama ona faze prosesu nasionál.(*)
