Tempotimor (Covalima)-Segunda semana ne’e estudante husi Eskola Sekundária Jerál Públiku (ESGP) Suai hamutuk rihun 2.309 hahú tuir ona ezame trimestre dahuluk tinan 2022 nian.
“Estudante 10å anu hamutuk ema na’in 899, kompostu husi feto na’in 479 no mane 420. ne’e fahe ba progama CT: 444, CSH na’in 455. Iha 11°ano totál ema hamutuk 773, Feto 398, Mane 375, husi Programa estudu CT na’in 388, CSH na’in 385, Nomós 12° anu estudante hamutuk ema 637, Feto 366, mane 271 ba programa CT iha ema 319 no CSH iha ema 318,” dehan Diretór ESGP Franselino Freitas ba jornalista sira iha knaar fatin, Segunda (25/04).
Diretór esplika, totál estudante ne’e fahe ba turnu dader no loraik no ESGP mós Uza EBC Ladi fó exame ba estudante sira.
“Estudante 12° ano okupa turnu dader hamutuk sala 14, estudante 11° ano okupa turnu lokraik iha Escola Bázika Central (EBC) Ladi uza sala 16, no 10° ano okupa turnu lokraik iha Escola Central uza sala 16,” Franselino Esplika.
Ezame primeiru periodu iha ESGP-Suai ne’e hahú segunda-feira (25/04) ohin no sei finaliza iha sábadu (30/04) semana ne’e.(*)
