Tempotimor (Covalima)-Husi fulan janeiru to’o abril 2022 ne’e, Komandu Polísia Nasionál Timor-Leste (PNTL) Munisípiu Covalima liuhusi Unidade Tránzitu rekolla koimas rihun $4.152.00 ba kofre estadu.
“Total koimas $.4.152.00 dollar amerikanu ne’e mai husi prende motor hamutuk 200-resin no kareta 35, tanba laiha dokumentus, karta kondusaun inklui kazu insidente, ne’ebé hamutuk osan husi fulan janeiru mai to’o abril,” Hateten Sarjentu Xefe Unidade Polísia Tránzitu Munisípiu Covalima, Patricio de Jesus ba www.tempotimor.com iha knaar fatin, Segunda (09/05).
Komandante ne’e akresenta, alende rekolla koimas, unidade tránzitu munísipiu Covalima mós rejista kazu insedente ba rodoviáriu husi janeiru ba to’o abril ne’e hamutuk 21 ne’ebé ho tipu kazu motor soke ema no kareta ho kareta soke malu.
Xefe ne’e alerta ba motorista sira tenke trata dokumentus motor no kareta inklui karta kondusaun atu nune’e bele halo viajem livre.(*)
