Tempotimor (Covalima)-Tersa-feira (10/05/2022) horseik, Komisaun Funsaun Públika (KFP) hamutuk Internasional Labour Organization (ILO), Sekretáriu Estadu Igualidade no Inkluzaun (SEII) hamutuk ho tékniku husi GOPAC desimina informasaun ba funsionáriu públiku iha Munisípiu Covalima kona-ba asediu sexuál.
Tuir Prezidente KFP, Faustino Cardoso katak, objetivu husi desiminasaun ne’e atu motiva funsionáriu públiku oinsa bele sai sensibilizadu hodi hadok aan husi tentasaun hanesan asediu sexuál, infrasaun disiplinar no irregulariedade servisu.
“Mai iha ne’e atu haklaken kona-ba violénsia asediu sexuál ba funsionáriu públiku, tanba ema sira ne’ebé asumi kargu iha diresaun sira iha ne’e. Ne’ebé wainhira sira hotu hatene ona, sira bele sai sensiblizadu oinsa ita atu evita monu ba tentasaun hodi hadok aan husi asedu sexuál, infrasaun disiplinar no irregulariedade servisu,” Prezidente KFP ne’e infoma ba jornalista sira iha salaun Administrasaun Munisípiu Covalima, Tersa (10/05).
Prezidente argumente, bainhira kazu iha mak komete husi funsionáriu públiku, husi KFP sei hola asaun bainhira funsionáriu hirak ne’e.
“Komisaun Funsaun Públika sei halo aksaun bainhira Funsionáriu públiku sira komete iha asedu sexuál,komisaun públika iha ona medida atu halo aksaun ba ema sira ne’ebé komete sexuál,durante ne’e Komisaun Funsaun Públika prosesa hahalok sira ne’e depois atribui pena komforme Situasaun ida idak nian ne’ebé mak tama kategoria ba kma’an naton no todan,” Nia dehan.
Prezidente Komisaun Funsaun Públika ne’e mós husu ba funsionáriu públiku sira, atu kria ambiente servisu ne’ebé seguru ba ema hotu, labele halo diskrimasaun, atu nune’e bele kontribui ba servisu atendimentu públiku iha munisipiu Covalima.(*)
