Vasinasa Pfizer ba Estudante Iha Covalima Atinje Ona 68%

Tempotimor (Covalima)-Tuir Diretora Servisu Saúde Munisípiu Covalima, (SSMC), Maria Fátima Moniz katak, husi fulan marsu tinan ne’e bainhira implementa vasina Pfizer ba estudante sira husi tinan 12 to’o 17 atinje ona 68%.

“Vasinasaun Pfizer ba estudante ho idade menus husi 12 to’o menus husi tinan 18 agora dadaun la’o hela, aleinde estudante nomós ema boot husi 18 ba leten ne’ebé simu booster oras ne’e la’o hela iha postu hitu,” Diretora Maria dehan ba jornalista sira iha salaun Administrasaun Munisípiu Covalima, Sesta (13/05).

Read More

Diretora ne’e hatutan, Pfizer ba estudante sira seidauk to’o alvu, tanba ne’e ekipa saúde kontinua halo vasinasaun ba estudante ne’ebé seidauk simu vasina.

“Vasina Pfizer ba estudante sira to’o horseik ita rejista ka simu ona vasina Pfizer hamutuk 5.228 ne’ebé ho pursentu 68% maibé alvu ne’ebé ekipa saúde tenke halo vasina ba estudante no non-estudante sira husi munisípiu Covalima hamutuk rihun 9.763, enkuantu ba segunda faze Pfizer ba estudante ninian maka ita atinee 1.968 ho pursentu 25%,” Nia dehan.

Enkuantu tuir dadus nasionál hatudu katak, hahú marsu to’o 12 de maiu 2022, adolescente sira iha Covalima hahú husi tinan 12 to’o tinan 17 ne’ebé simu ona vasina Pfizer daze dahuluk hamutuk 4.867 ka atinje ona 49.9% no hirak ne’ebé kompleta ona vasina Pfizer ba doze daruak hamutuk 678 ka atinje ona 6.8%.(*)

Related posts