Tempotimor (Aileu)-Tuir Amu Vigáriu Parókia São Pedro São Paulo Aileu, padre Juliano Xavier de Jesus katak, bainhira halo misa enseramentu ba mahein São João Baptista, foinsa’e hamutuk 107 mak deside hodi simu tan primeiru komuñiaun.
Iha missa enseramentu ne’e Pe. Juliano fó hanoin ba sarani sira katak, hakerek nanis ona iha leitura sira katak, ema nia moris folin boot liu roupa.
” Ita agradese ba amam Maromak, ita mai hamutuk iha ne’e ho São João Baptista hodi hare fali ita-nia moris, afinal ita-nia moris ne’e folin liu fali roupa, ne’ebé ha’u dala barak dehan, ha’u bele hatais roupa obralan nian, o bele hatais roupa folin boot, maibé fuan la hatais, hanesan de’it, ohin ita rona evanjellu Jesus fó hanoin ita kapas tebes, imi keta preokupa tanba imi-nia moris ne’e mak folin boot liu roupa, la’ós roupa mak folin liu fali imi nia aan, duke klamar, tanba dala barak mak akontese,” Hateten Pe. Juliano liuhusi nia omilia, Domingu (20/06).
Entertantu durante ne mahein padroira estasaun misionáriu Daisoli ne’e horik ho sarani sira husi aldeia Hoholete no aldeia Lequilakuana. Nune’e liuhusi missa enseramentu ne’e hodi entrega hikas ilas São João Baptista ba estasaun misionáriu Daisoli, enkuantu iha misa enseramentu ne’e sarani hamutuk 107 mak simu primeiru komuniaun.(*)
