Sarani Daisoli Planu Hari Hikas Kruz Fatu-Bolu

Amu Vigariu Aileu, Juliano Xavier de Jesus. Foto Tempo Timor

Tempotimor (Aileu)-Tersa (20/07) semana ne’e Amu Vigáriu Parókia Aileu, Juliano Xavier de Jesus hamutuk ho sarani sira husi aldeia Hoholete no aldeia Lekilakuana inklui Dewan Estasaun Daisoli, vizita Foho Fatu-Bolu Daisoli Aileu.

Liuhusi vizita ne’e haree mós kruz Fatu-bolu ne’ebé harii iha tinan 1993 no hetan estragus husi railakan iha tinan 1996.

Read More

“Fatin ida ne’e tau planu kedas iha tempu pasadu iha tinan 1993, maibé kruz ne’e hetan estragus husi railakan iha tinan 1996 ne’ebé ema balun dehan, ida ne’e fó sinal loron ikus nian maibé lae, ne’e husi natureza,” dehan Amu Juliano ba www.tempotimor.com, Ohin (22/07).

Padre ne’e mós deklara katak, sei servisu hamutuk ho Amu pároku no sarani estasaun misionária Daisoli hodi tau planu para hari hikas Kruz ne’e.

“Ohin mai ho komunidade haree fatin hodi haree kruz ne’ebé estragus husi dezastre iha tinan 1996, ne’ebé komunidade hakarak  atu hari fali, ne’ebé depende ba amu pároku atu hare, Tanba fatin ne’ebé furak tebes hodi atrai ema bele halo orasaun,” Haktenik Nia.

Entertantu depois vizita iha foho Fatu-bolu hodi halo reflexaun, amu vigáriu ne’e hamutuk ho komunidade sira fó mós bensa ba semitériu balun iha Rimori, Aldeia Hoholete Daisoli, Munisípiu Aileu.(*)

Related posts