Tempotimor (Covalima) Servisu Munisipál Sosiál no Inkluzaun (SMSI) Munisípiu Covalima kontinua apoia nesesidade báziku ba familia vulneravel no difisiénsia iha Suialoro hamutuk 263, ne’ebé kompostu husi aldeia lima iha suku Suailoro, postu Suai.
Diretor SMSI munisípiu Covalima, Agapito Axis katak, distribuisaun aihan ba familia vulneravel sira ne’e bazeia ba lista ne’ebé autoridade suku identifika ona.
“Distribuisaun aihan ba ita-nia maluk sira ne’e bazeia ba lista ne’ebé autoridade suku entrega mai ami, identifika katak impaktu husi Covid-19 ba ita-nia familia vulneravel sira, tanba ne’e maka governu lokál esforsu oinsa bele responde situasaun ne’ebé sira infrenta,” katak Agapito ba jornalista sira iha sede Suku Suai Loro. (27/09).
Iha fatin hanesan Administradór Munisípiu Covalima (AMC), Francisco de Andrade katak, aihan báziku sira ne’e mai husi Sentru Lojístika Nasionál (SLN) no Ministériu Solidariedade Sosiál no Inkluzaun (MSSI), tanba ne’e orienta xefe suku sira atu foti dadus ba ema vulneravel sira.
“Apoiu ida ne’e ita fó orientasaun ba xefe suku sira atu foti dadus ba ema vulnerável duni, ema ne’ebé labele asesu ba merkadu, tanba stock fós ne’e mai husi SLN MSSI,” katak Nia. Entretantu aihan ne’ebé Kada Vulneravel hetan fos Saka ida.(*)
