Tempotimor (Covalima)-Konsellu Veteranus Munisípiu Covalima rekoiñese durante ne’e la valoriza juventude rezistensia ne’ebé fo kontribuisaun ba independensia Timor-Leste nian.
Prezidente konsellu veteranus munisípiu covalima, Fransisco Doutel Sarmento, rekoñese kestaun ne’e no sei aprezenta ba nivel nasionál.
“Los duni ita nia joventude as’uain sira mós luta ba rai ida ne’e ita nafatin konsidera ne’ebé ida ne’e, ami sei ko’alia iha nivel nasionál, tanba ita hatene sira luta no fó a’an ba mate,balu sei moris balu hetan kanek no balu mate,” nia informa iha suku Lour, segunda (11/10).
Representante juventude rezistensia postu-administrativu zumalai, Domingos Bragannça sente triste tebes, nun’e husu ba parte konsellu veteranus munisípiu no nasionál atu haree ba kestaun ne’e.
“Ami nia preokupasaun mak ne’e, iha tempu okupasaun Indonesia husi tinan 1975 to’o 1999 ami mos luta ba rai ida ne’e hodi defende ita nia Falintil sira,no balu hetan tiru tá kanek no balu mate no fo han ba ita nia Falintil no kontribui ba aihan iha ailaran,to’o hetan indenpendensia,maibe ohin loron ami labele hetan intervista ka labele tuir registu verifika dadus,” hateten Domingos Bragannça. (*)
