SEJD Apoiu U$33.970 ba Atividade Desportu iha Kovalima

Tempotimor (Kovalima)-Sekretariu Estadu Juventude no Desportu (SEJD) aloka orsamentu hamutuk rihun U$33.970.00 hodi organiza atividade desportu iha postu administrativu hitu, ne’ebé hola parte ba munísipu Kovalima.

Tuir manajer programa Sentru Juventude Kovalima (SJK), Bernabe Ferreira katak, atividade desportu iha postu administrativu Fohorem hetan orsamentu husi SEJD hamutuk rihun U$4.756.00 hodi komemora loron Proklamasaun Independénsia ba dala-46.

Read More

“Orsamentu ne’ebé ita hetan husi SEJD hamutuk dollar amerikanu rihun U$33.970.00 ne’ebé aloka ba kada postu Fatululik $4,078.00, Fatumea $4,417.00, postu Fohorem, Maukatar no Tilomar hetan $4.756.00, postu Suai $5,095.00 no Zumalai hetan $6,112.00,” katak Bernabe ba jornalista sira iha Fohorem, Domingu (21/11).

Koordenadór jerál seksaun animasaun desportivu 28 Novembru iha postu Fohorem, Ángelo da Costa Oliveira Halora katak, ekipa ualu mak sei partisipa iha jogu refere entre voliboll mane haat no feto haat.

“Ba modalidade voliboll hamutuk klubu ualu ne’ebé kompostu husi feto ekipa haat no mane ekipa haat. Kona-ba modalidade futeboll iha ekipa haat ne’ebé reprezenta husi suku haat, osan ne’ebé apouu ne’e hetan husi Sentru Juventude Kovaliva hamutuk U$4.756.00 ne’ebé aloka ba premeiu rihun U$3,400,00 ba materiál $1,356.00,” nia esplika.

Ekipa ne’ebé sai vensedór primeiru lugar iha modalidade voliboll sei hetan osan U$300.00, segundu lugar $250.00, terseiru lugar iha $200.00, entretantu parte futeboll primeiru luga sei hetan $400.00, segundu lugar $350.00, no terseiru lugar 250.00.(*)

Related posts