Tempotimor (Kovalima)-Relasiona ho kalendáriu husi Ministériu Edukasaun Juventude no Desportu (MEJD) katak estudante ne’ebé atu partisipa iha Ezame Pasajem Klase (EPK) ne’ebé mosnu iha loron 22 to’o 27 novembru mak estudante finalista hamutuk rihun 1.523 iha Eskola Sekundária Jerál Públika (ESJP) Suai prontu tuir ezame.
“Alunus désimu anu hamutuk 827 pesoas ne’ebé sei utiliza sala-de-aula 16 no désimu segundu anu hamutuk 696 ne’ebé sei utiliza sala-de-aula 15,” dehan Diretór ESJP Francelino Freitas ba www.tempotimor.com iha nia knaar fatin, Domingu (21/11).
Diretór Francelino salienta iha ezame pasajem klase ne’e ESJP Suai fahe ba turnu dader no loraik.
“Ezame pasajem ne’e ami fahe ba tornu rua, klase 1 dader no klase 2 loraik, tanba estudante sira ne’ebé halo tornu eskola iha EBC ladi tenki mai kosentra iha eskola sentral, tanba ita lakohi pertuba estudante EBC ladi tanba sira mós hala’o hotu ezame,” Francelino informa.
ESJP Suai menus númeru profesór hodi halo vizilante ba eatudanre pasajem klase durante ezame, maibé ho prezensa estajiadu sira husi Universidade Nasional Timor Lorosa’e (UNTL) kompeleta ona profesór vizilánsia ba ezame pasajen ne’e.(*)
