Tempotimor (Covalima)-Tuir João da Costa Amaral ne’ebé haknaar aan hanesan profesór permanente ida iha Eskola Bázika Filiál (EBF) Taroman, katak, durante tinan tolu resin ona maibé seidauk hetan direitu hanesan profesor permanente.
Tuir nia, durante ne’e la hetan saláriu tanba ho razaun dokumentus la kompletu, maibé durante ne’e dokumentu sira iha Komisaun Funsaun Publiku (KFP).
“Husi 2009 ha’u simu saláriu mai to’o fulan dezembru 2019, depois ida ne’e ha’u-nia saláriu la tama, saláriu komesa falla husi fulan ne’eba, ho razaun katak, ha’u-nia dokumentus la kompletu, agora ha’u trata dokumentu iha Komisaun Funsaun Públika aprova ona, maibé ate agora seidauk simu nafatin ha’u-nia saláriu, ha’u ba Dili dala neen ka hitu ona, maibé nafatin to’o agora,” Hateten Profesór João iha nia residénsia Makous, Suku Taroman, Munisípiu Covalim, Kuarta (30/03).
Liga ho preokupasaun ne’e, Diretór Edukasaun Munisípiu Covalima (EMC), Rui Amaral Suri Seran husu profesór refere atu pasiénsia hodi hein prosesu, tanba dokumentus hotu aprova ona iha Komisaun Funsaun Publika (KFP) no Ministériu Edukasaun Juventude no Desportu (MEJD).
“Parte edukasun rezolve hotu ona nia dokumentu, ne’ebé agora hein prosesu hodi halo pagamentu,” Diretór ne’e dehan.
Entertantu profesór iha eskola Báziku Filiál (EBF) Taroman hamutuk na’in haat ne’ebé kompostu husi permanente na’in tolu no kontratadu na’in ida.(*)
