IGJ Vizita Jogu Modernu Ilegál Rua Iha Covalima

Jogu Kasino ne'ebé hetan inspesaun husi ekipa IGJ Covalima iha Kuarta kalan ne'e. Foto Suplay.

Tempotimor (Covalima)-Kuarta-feira (06/04/2022) kalan ne’e Inspesaun Jerál Jogu (IGJ) halo vizita ba jogu modernu ne’ebe eziste iha munisípiu Covalima konsidera ilegál.

“Hodikalan maizumenus tuku 19:00 kalan oras Timor-Leste ekipa Inspesaun Geral Jogu hala’o vizita no inspesaun ba jogu modernu hanesan jogu kasino ne’ebe lokaliza iha Sukaer-Laran suku Debos nomós jogu KISS ne’ebé lokaliza iha suku Suailoro, tanba atividades jogu hirak se’e konsidera Ilegál,” dehan Inspterór Jerál Basílio Guterres ba www.tempotimor.com iha Suailoro, horseik (06/04).

Read More

Tuir nia, bazeia ba dekretu lei númeru 6/2011 no lei númeru 10/2016 hodi observa rasik aksaun ida ne’ebé tuir loos ne’e la serve ona para atu tau iha fatin hirak sira ne’e, tanba habosok ona konsumidór sira-nia direitu no halakon konsumidór sira-nia osan.

Jogu Kasino ne’ebé loke iha Covalima.

Nia hatutan, objetivu prinsipál atu asegura kompañia sira ne’ebé iha karta lisensa, husi autororidade kompotente nune’e bele halo separasaun kona-ba reseita interese estadu nian.

“Hanesan notária ka slop mákina ne’ebé iha munisípiu ida ne’e, atu haree kompañia sira tenki iha lisensa husi autoridade kompetente, mas na realidade ami mai iha ne’e, kompañia sira ne’ebé hala’o atividade laiha lisensa i sira halakon reseita estadu barak ne’ebé ho ida ne’e mak ami atu halo atuasaun,” Nia Tenik.

Entertantu jogu modernu ilegal iha fatin rua ekipa inspesaun geral jogu deteta sei halo prosessu tuir dekretu lei ne’ebe vigora iha Timor-Leste.(*)

Related posts