Tempotimor (Covalima)-Australian Pasific Training Cualition (APTC) hamutuk ho parseiru no Sekretáriu Estadu Profesionál no Empregu (SEFOPE) hodi fó formasaun ba formadór sira iha sentru formasaun akreditadu sira iha munisípiu Covalima.
“Formasaun ne’e mai husi parseiru importante SEPFOPE ne’e bolu naran APTC ba formadór no jerente inklui funsionáriu sira iha sentru treinamentu ne’ebé eziste iha munisípiu Covalima”, dehan Diretór SEPFOPE Munisípiu Covalima, Augusto Asis Gomes ba jornalista sira iha salaun postu administrativu Suai Vila, Kinta (07/04).
Diretór ne’e afirma, objetivu husi formasaun ne’e, atu dezenvolve formadór sira-nia kapasidade hodi halo proposta no halo jestaun ba sira-nia atividade programa.
“Formasaun ba formadór no jetente sira hala’o durante loron rua ne’ebé ba loron dahuluk formadór no jerente sira aprende matéria kona-ba jestaun no halo proposta ba programa no ba loron daruak foku ba kandidatu traballadór Seasonal Worker hamutuk na’in 50 ne’ebé prepara atu ba Australia, entaun sira presija iha abilidade kona-ba entrevista,” katak Nia.
Entretantu formasaun ne’e partisipa husi formadór, Sentru Treinamentu Vokasionál Klaret Salele, Centru Comunidade Covalima (CCC), no Centru SKA Mosu Morin Suai.(*)
