Tempotimor (Covalima)-Sexta-feira (08/04/2022) ne’e Komandu PNTL Munisípiu Covalima liuhusi Servisu Investigasaun Kriminál ezekuta mandadu detensaun husi Tribunál Distritál Suai (TDS) hodi kaptura arguidu ho inisiál JPQ ne’ebé komete kazu omesidu simples ne’ebé rejistu ho nú. nuc: 0005/19.
Tuir Sarjentu xefe investigasaun kriminál, Lourenço do Carmo Gusmão katak, kazu ne’e akontese iha tinan 2019 bainhira arguidu inisial JPQ ho idade 27 lori ai-pedasuk ida ho intensaun hodi halo agresaun fízuku ba joven selujk.
“Nia ai-pedasuk ida, lori hein joven seluk ho intensaun atu baku jovem seluk. maibé bainhira jovem ne’e tula vítima ho naran inisiál Juliana sai husi Nagidal atu ba aiasa-legul Zumalai Vila, bainhira to’o iha knua Mali Seran arguidu inisiál JPQ lori ai-pedasuk baku jovem ne’e, maibé baku la kona, kona fali vítima Juliana hodi monu tun husi motor no lori ba ospitál la konsege salva nia vida,” Hateten sargento xefe ne’e ba jornalista sira hafoin halo kapturasaun ba arguidu refere, Sesta (08/04).
Enkuantu kazu omesidu simples ne’ebé previstu husi artigo 138 iha kódigu penál no tuir mandadu detensaun husi Tribunal Distritál Suai, arguidu ne’e sei kumpri pena detensaun tinan 12 iha prijaun Suai.
Entertantu Arguidu ne’e, PNTL Covalima liuhusi servisu investigasaun kriminál lori ba entrega kedan iha prijaun Suai.(*)
