Sasan Folin Sa’e, Francisco: “Ha’u Labele Intervein”

Administrador Munisipiu Covalima, Francisco de Andrade. Foto Tempo Timor

Tempotimor (Covalima)-Relasiona ho sasan folin ne’ebé sa’e iha merkadu Suai, mak Administradór Munisípiu Covalima (AMC), Fransisco de Andrade katak, nia parte labele halo intervensaun tanba, folin sasan sa’e impaktu husi funu mundiál entre Rusia ho Ukránia

“Iha merkadu sasan folin hahú sa’e, tamba afeita husi funu entre Rusia ho Ukránia, ne’ebé sasan folin sa’e la’ós de’it iha Covalima, maibé iha Timor tomak, ne’ebé sasan folin sa’e ne’e hahú husi fulan Janeiru mai to’o ágora,” dehan Administradór Covalima, Fransisco ba jornalista sira nia gabinete, Sesta (22/04).

Read More

Aman ba munisípiu Covalima ne’e komenta, sasan folin sa’e, nu’udar administradór labele halo intervensaun, tanba sasan folin sa’e komesa husi merkadu nasionál.

“Ha’u labele halo intervensaun, tamba sosa iha Dili folin hanesan dollar $13.00, ne’ebé mai iha Suai tenke hasa’e folin, tamba ema bisnis, ne’ebé ne’e ha’u labele halo intervensaun, tamba ne’e impaktu husi funu mundiál, se iha merkadu nasionál folin standar mai iha Suai mak hasa’e folin tuir sira-nia hakarak ne’e ha’u bele halo intervensaun, maibé ida ne’e lae, ne’e funu mundiál,” katak Nia.

Enkuantu tuir observasaun www.tempotimor.com iha terrenu nota katak, sasan nesidade báziku nian folin sa’e maka’as tebes inklui kombustivel mos sa’e ne’ebé afeta mós ba terifáriu transporte públiku nian.(*)

Komunidade Husu Governu Solusiona Folin Sasan Báziku Iha Merkadu – Tempo Timor Suai

Related posts