Basílio Husu Autoriedade Covalima Realiza Feira Kada Fulan

Komandante PNTL Munisípiu Covalima, Superintendente Polísia Basílio de Jesus akompaña hela korida kuda iha parte final nian. Domingu (22/05). Foto Tempo Timor

Tempotimor (Covalima)-Komandante Polísia Nasionál Timor-Leste (PNTL) Munisípiu Covalima, Superintendente Polísia, Basílio de Jesus husu Autoridade munísipiu Covalima atu realiza atividade feira kada fulan atu nune’e anima povu Covalima.

“Ha’u rekomenda, wainhira atetude sira ne’e ita manten nafatin no dezenvolve di’ak liután, talvez atividades la presiza ita hein 20 de maiu nomós 28 de Novembru, se bele karik eventu sira hanesan ne’e akontese kada fulan, bainhira ema hotu koopera ema hotu kontribui ba situasaun seguransa, ita mai hakmatek, fila hakmatek iha ne’ebá hatudu ona katak, boa komportamentu entaun ema hotu hakarak kontribui,” Komandante ne’e dehan ba jornalista sira iha Covalima, Horseik (22/05).

Read More

Iha sorin seluk Administrador Munisípiu Covalima (AMC), Francisco de Andrade katak, bainhira atu realiza fali feira refere, governu lokál sei komunika uluk governu sentrál hodi deside.

“Ita mós sei haree situasaun no orsamentu, bainhira sente di’ak, ita bele implementa. se ladun di’ak ita labele simu rekomendasaun ne’ebé iha, maibé nia nu’udar komandante fó rekomendasaun ba autoridade bele ka lae? ita halo kada fulan, ita mos sei halo konsulta ba nasionál, karik autoriza ka lae, tanba imi hotu hatene foin dadauk ita realiza feirra iha 10 dias nia laran ne’e la’ós ha’u de’it mak foti desizaun, maibé presiza iha konsultasaun no despaixu maihusi nasionál,” Administrador ne’e komenta.

Related posts