Bee-mos, SAS Covalima Sai Vítima ba Komunidade Irespionsável Sira

Diretor Servisu Agua no Saneamentu Munisipiu Covalima, Castro Dodi Ramos ho nia Staff Tome Geraldo Belo haree hela dadus númeru komunidaade ne'ebe aseseu bee mos iha Suai. Segunda (7/6). Foto Tempo Timor

Tempotimor (Covalima)-Tuir tékniku Servisu Bee no Saneamentu (SAS) Tome Geraldo Belo katak, komunidade uza bee-mos laiha konsiénsia, entaun servisu agua saneamentu munisípiu Covalima mak kontinua sai vítima.

“Komunidade loron ida aseseu bee-mos dala tolu, dader, meudia no lokraik, entaun kada semana iha bairro ida kurtu bee durante oras rua nia laran, maibé kuandu sira enxe hotu ona, sira mós lakohi taka entaun bee estrga loos, depois komunidade barak mak la koopera ho SAS iha munisípiu Covalima, entaun ita bele dehan kontribuisaun komunidade sei falta konsiénsia,” hateten nia

Lee Notisia Seluk

Nia afirma, SAS Covalima difikuldade ba manutensaun no kontrolu inklui menus rekursu no menus matéria tama tinan tolu ona.

“SAS Covalima menus rekursu no menus matéria hanesan besi kiik oan no kanu barak mak hetan kuak entaun bee estragu barak loos. Menus fasilidade oinsa bele hadi’a se komunidade mós lakohi koopera ho SAS Covalima, depois uza bee la kuidadu no la maneja bee ho di’ak. Ne’ebé husu imi-nia kompriensaun tenke koopera ho ami atu nune’e servisu sai di’ak liután,” haktenik nia.

Iha fatin hanesan, diretór SAS Covalima, Castro Dodi Ramos mós rekoñese servisu SAS Covalima nian ne’ebé ladun fó atensaun ba pipa bee ne’ebé to’o agora falla.

“Fatin balu ami rekoñese duni tamba kanu 3 inc sira ne’e difisíl atu kontrolu tanba ahu ruin kaer metin hotu halo bee halai ladun di’ak, tanba kanu sira uluk ne’e nakonu ho ahu ruin, maibe tempu badak ami sei rezolve problema hirak ne’e, tanba ami SAS Covalima foin renova estrutura,” nia tenik.

Entertantu funsionáriu ne’ebé servisu iha Agua no Saneamentu Covalima hamutuk 25 inklui ho postu na’in neen, ajente na’in tolu, kazuais na’in haat parte distribuisaun na’in rua.(*)

Notisia seluk