UPF Covalima Prende Sasan Kontra Bandu Iha Wetaba

Segundo komandante UPF, Sargentu xefe Norberto Mendonça Cardoso ko'alia hela ho jornalista www.tempotimor.com iha Kompania Bravo ne'ebe lokaliza iha suku Kasabauk, Kuarta (09/06). Foto Tempo Timor

Tempotimor (Covalima)-Unidade Patrollamentu Fronteira (UPF) prende tan sasan kontra bandu inklui kaptura sidadaun ho inisiál RA ne’ebé transporta ilegál tama iha munisípiu Covalima liuhusi aldeia Wetaba.

Kestaun ne’e, Sargento xefe Norberto Mendonça Cardoso katak, sasan ne’ebé UPF Covalima prende mak tabaku no motorizada beat mutin ida ne’ebé sidadaun RA uza hodi transporta sasan sira ne’e.

Lee Notisia Seluk

“Ema ne’e naran inisiál RA ho motorizada Mio Beat mutin ida ho númeru matríkula L-3460 TL ne’ebé lori sasan kontra bandu ne’e atu mai Suai Vila, ho Ida ne’e ami kordena ho parte investigasaun ho saude hodi foti ema ho sasan ne’e, Tamba ami halo patrollamentu ne’e liga ho situasaun serka sanitária ho estadu emerjénsia, depois tabaku sek bantal rua inklui ema ne’ebé lori motorizada ne’e. Agora ami asegura hela sasan ne’e, hodi hein prosessu” dehan Sargento xefe Norberto ba www.tempotimor.com iha Wetaba, Kuarta (09/06).

Sarjentu ne’e afirma, sidadaun RA ne’ebé halo atividade ilegál ne’e hela duni iha aldeia Wetaba, suku Lalawa, postu administrativu Tilomar, munisípiu Covalima.

Atividade ilegál ne’e, fó kbiit liután ba UPF iha munisípiu Covalima atu rigór liután iha parte liña fronteira hodi halo patrollamentu, nune’e bele prevene movimentu ilegál iha tama iha teritóriu nasionál.(*)

Notisia seluk