Administradór Rui Prioritiza Programa Tolu Dezenvolve Zumalai

Tempotimor (Covalima)-Tuir Administradór Postu Administrativu Zumalai, Rui dos Santos katak, durante mandatu sei fó prioridade ba programa tolu hodi dezenvolve Zumalai no hasai komunidade husi nakukun.

“Iha hau-nia tempu ne’e planu prioridade primeiru mak ba estrada iha parte Harekain no Raifila ne’ebé seidauk tau alkatraun, segundu ba eletrisidade parte iha dalan protokolu sira hetan asesu ona, maibé suku Lour, Ucekai no Mape ne’ebé seidauk asesu eletrisidade, no parte terseiru mak kona-ba Bee-moos,” dehan Administradór Rui ba www.tempotimor.com iha salaun administrasaun Covalima, Sesta (17/09).

Read More

Ba planu prioridade tolu ne’e, nia parte sei hato’o ba Administradór Munisípiu Covalima inklui ministériu relevante sira atu hola pozisaun no rezolve hamutuk.

“Ha’u sei hato’o ba parte relevantes hodi haree ba kestaun sira ne’ebé komunidade sira infrenta iha postu Zumalai, liu-liu infraestrutura báziku sira,” nia tenik.

Entretantu Administradór postu Zumalai, Rui dos Santos hetan pose husi Administradór Munisípiu, Covalima Francisco de Andrade iha salaun administrasaun Covalima loron 03 setembru 2021.(*)

Related posts