Tempotimor (Covalima)-Diretór Eskola Sekundária Jerál Públika (ESJP) nú. 1 Suai, Francelino Freitas ba www.tempotimor.com katak, agradese no apresia ba Sekretáriu Estadu Komunikasaun Sosiál (SEKomS), Merício Juvinal dos Reis “Akara” tanba vizita ona ESJP Suai hodi haree smart school, maske laiha ajenda.
“Reprezenta eskola ne’e sente orgullu tebes ho SEKomS nia vizita ne’e, tanba mai laiha ajenda atu vizita eskola refere, Maibé derpente vizita hodi haree programa Smart School, ne’ebé dala ida tan agradese ba SEKomS ho nia komitiva,” dehan Diretór Francelino ba www.tempotimor.com iha resintu ESJP Suai, Kuarta (21/09).
Iha fatin hanesan, Sekretáriu Estadu Komunikasaun Sosiál (SEKomS), Merício Juvinal dos Reis “Akara” mós apresiza ba ESJP Suai, tanba iha rasik inisiativa hodi estabelese programa smart school hodi fasilita estudante sira iha tempu COVID.
“Apresia tebes ba diiretór tanba iha kreatividade hodi halo mudansa eskola ne’e ba estudante sira iha Suai Covalima, Ha’u-nia intrese liu ba programa Smart School, tanba liga ho komunikasaun hodi diversifika no Digitaliza sistema no atu establese tan Rádiu Streaming,” dehan SEKomS, Maricio Akara hafoin vizita ba ESJP Suai, Kuarta (22/09).
Entretantu programa Smart School ne’e atu transforma estudante sira iha área dizitalizasaun inklui ESJP Suai iha nia estudante hamutuk rihun 2.175 no mestre sira hamutuk na’in 80.(*)
